Bizitza aseguruak

Zaindu zure senideak

Zertan datza bizi-aseguru bat?

Bizi-asegurua arrisku saihestezin baten estaldura bermatzeko ezinbesteko tresna bat da. Bere familien edo bestelako onuradunen etorkizuneko beharrak ziurtatu nahi dituztenentzako laguntza garrantzitsu bat da, edozein ustekabekori aurrea hartuz.

Zeintzuk dira aseguru mota honen abantailak?

Bizi-aseguruak zure ingurune hurbileko menpekotasun- edo baliazintasun-egoera bat estaltzeko beharrezko bermeak eskaintzen ditu, bai eta hura kontratatzeko malgutasun zabala behar pertsonalen eta aurreikuspen ekonomikoen arabera.

Lasaitasuna zuretzat eta zure ingurukoentzat

Gozatu egunerokotasunaz zure etorkizuneko bizi-kalitatea alda dezakeen edozein ustekabekoren aurrean babesten zaituen laguntza ekonomiko bat izateko lasaitasunarekin.

Estaldura zabalak

Aseguratu nahi duzun kapitala aukeratu eta atera onura gaixotasun edo heriotzaren aurreko estaldura osoenei.

Malgutasuna

Egokitu itzazu kontratu-baldintzak zure egoera pertsonalera, zure lan egoerara eta zeure aurreikuspen ekonomikoetara, gehien komeni zaizun ordainketa modua (hilero, hiruhilero, seihilero edo urtero) aukeratuz.

Bizi-aseguru motak Seguros Bilbao-n

Zure lasaitasuna eta zure familiakoena aseguratu zure beharretara hobeto egokitzen den bizi-aseguruarekin.

Aldi baterako bizitza

Aldi baterako bizitza zeu eta zeureak babesten ditu, zuen etorkizun ekonomikoa eta osasuna zainduz eta zuen bizitza-kalitatea hobetuz.

Gehiago jakin

Amortizazio bizitza

Amortizazio bizitza zure hipoteka-mailegua ordaintzea bermatzen dizu larrialdi bat izanez gero, hala hurbileko senideek daramaten bizi-maila mantendu ahal izango dute.

Gehiago jakin

Bizi-aseguruen estaldurak

Zure beharretara hobeto egokitzen den bizi-aseguruarekin zure interesak eta pertsona maiteenenak babestu ahal izango dituzu estaldura zabalen bidez.

Edozein arrazoigatik hiltzea

Heriotza kasuan, onuradunek ordainketa bakar batean jasoko dute aseguratutako kapitala. Berme osagarri modura eskaintzen dira istripuagatiko eta zirkulazioko istripuagatiko heriotza ere. Halakoetan, aseguratutako kapitalaren bikoitza edo hirukoitza jasoko dute, hurrenez hurren, onuradunek.

Erabateko Baliaezintasun Iraunkorra

Edozein arrazoi dela eta Erabateko Baliaezintasun Iraunkor (EBI) bat izatekotan, zeinaren izaera iraunkor eta erabatekoa bezala onartuta dagoena, aseguratuak aldi bakar batean jasoko du kapitala. Baliaezintasun hau istripu edo zirkulazio-istripu baten ondorioa bada, aseguratuak kapitalaren bikoitza edo hirukoitza jasoko du hurrenez hurren.

Zurztasuna

Zurztasun-aseguruarekin seme-alabek dagozkien kapitala jasoko dute zirkulazio-istripu beraren ondorioz bi guraso edo tutoreen heriotza gertatzekotan.

Gaixotasun larriak

Aseguratuak heriotza kasuan aseguratutako zenbatekoaren %50era arteko aurrerakina jaso dezake, lehen aldiz honako gaixotasun larri hauetakoren bat diagnostikatzen diotenean: minbizia, miokardio edo buruko infartua, bypass kirurgia eskatzen duen arteria koronarioen afekzio kronikoa edo giltzurruneko gutxiegitasuna, organo nagusien transplantea, Alzheimer-a edo Parkinson-a.

Eguneroko kalte-ordaina

´Laneko bajaren kalte-ordainaren kasuan, aseguratuak berehala jasoko du adostutako kapitala, istripu edo gaixotasunagatik bajan egoten den egunen kopuruaren araberakoa, mediku txostena eta haren diagnostikoa aurkeztu ondoren.
Ospitaleratzea gertatzekotan, bermaturik dago egunero kalte-ordain bat ospitale batean ingresatzeagatik, edozein izanik ere ospitaleratzearen kausa.

Portzentajezko kalte-ordaina

Laneko bajagatik eratorritako kalte-ordaina gertatzekotan, aseguratuak istripu edo gaixotasunagatik kontratatutako kapitalaren ehuneko bat jasoko du, eta txosten medikoa eta honen diagnostikoa aurkeztu beharko du.

Baliaezintasun Iraunkor Partziala

Istripu baten ondoriozko Baliaezintasun Iraunkor Partziala gertatzekotan, gutxienez hamabi hilabeteko etengabeko iraupena duena, aseguratuak kontratatutako kapitalaren ehuneko bat jasoko du, ezarritako baremoaren arabera.

Prezioan eragina duten faktoreak

Bizi-aseguruaren prezioa hainbat faktorek zehaztuko dute, hala nola adina, kontratatutako kapitala, lanbidea, egiten den kirola edo osasun-egoera.

Adina

Bizi-aseguruan, uneko adinak zehaztuko du urtero berme bakoitzari aplikatzen zaion prima.

Kontratatutako kapitala

Bizi-aseguruan momentu bakoitzean kontratatutako kapitalak zehaztuko du dagokion primaren zenbatekoa.

Lanbidea

Poliza harpidetu baino lehen adierazi beharreko beste faktoreetako bat interesatuaren lanbidea da, priman izan dezakeen inpaktuagatik, bereziki arrisku handiko lanbideen kasuetan.

Kirola

Kirol batzuk egiteak ere badu eragina aseguruaren prezioan, istripu-arrisku handiago bat daramatzatelako.

Osasun-egoera

Bizi-aseguru bat kontratatzerako orduan, aseguratuak bere osasun-egoera adierazi beharko du Konpainiak erraztutako galdeketa-orriaren bidez, eta, egoeraren arabera, honek primaren gainean eragina izan dezake oinarrizko tarifari dagokionez.

Ohiko galderak

Nork behar du bizi-aseguru bat?

Bizitza asegurua, heriotza goiztiarrak bere inguruko beste pertsonentzat ondorio ekonomiko kaltegarriak izan dezaketen pertsonentzako da bereziki. Edozein gaixotasun edo istripuren aurrean aurrez ondarerik ukan beharrik gabe babes osoa eskaintzeko gai den aseguru bakarra da. Ezaugarriak kontuan hartuta, pertsona hauentzako da egokia:

Edozer gauza gertatzen dela ere familiak bizi-maila mantentzeko laguntza ekonomiko nahikoa izan dezala ziurtatzea nahi duten familia-kargadun pertsonak.
Hipoteka edo mailegu bat ordaintzen daudentzako edo zorrak dituztenentzako. Hiltzen badira, gaixotasun larri bat diagnostikatzen badiete edo baliaezintasun bat izaten badute zorrak kitatzen direla ziurtatzeko.

Zein kapital kontratatu behar dut?

Kapital aseguratua ez da pertsona guztientzat berdina izango, bere egoera pertsonalaren eta ondareen araberakoa izango da. Balioztatzen da heriotz goiztiarra gertatzekotan beharrezko ekarpena gutxienez urteko diru-sarrera gordinen maila baino 3 bider gehiagokoa izan beharko litzatekeela familia-nukleoaren bizitza-maila ziurtatzeko.

Zeintzuk dira nire kapital eta errenta beharrak?

Seguros Bilbaon beharren azterketa pertsonalizatua egiten dugu; horri esker, bezero bakoitzari egokitutako aukera eskaintzen dugu. Kontratatzea komeni den kapitala zein den jakitea honako lau galdera hauei erantzutea bezain erraza da:

Zenbateko diru-sarrera bermatu nahi diezu hilean zure ezkontideari edota seme-alabei?
Zenbat denboraz duzu estali beharra errenta hori?
Zein da zure familia-unitatearen egungo egoera ekonomikoa, eskura den aurrezkiaren eta karga finantzarioen aldetik?
Zein da zure kotizazio maila Gizarte Segurantzarekiko (minimoa, erdia edo maximoa)?

Zergatik kontratatu bizi-aseguru bat Seguros Bilbao-rekin?

Seguros Bilbao-n 100 urte baino gehiago daramatzagu zu bezalako pertsonak zaintzen, zure ondarea gordetzen eta ustekabe handi eta txikien aurrean babesten.

Pertsonalizatutako arreta

Lehen egunetik laguntzen dizugu, zalantzei banaka erantzunda eta zerbitzuak zure behar errealei egokituta.

Etengabeko informazioa

Finantza produktuetan profesionalak direnen eskutik aldiroko informazioa, baliagarria eta kalitatezkoa, zuri eskaintzeko konpromisoa hartzen dugu.

Laguntza eta konfiantza

Konpainia sendoa eta kaudimenduna gara, 100 urteko esperientzia baino gehiagorekin, eta Espainiako talde aseguratzaile nagusietako baten parte gara: Catalana Occidente Taldea.