Pentsioak

APA aurrezkia, aurreikuspen-plan aseguratua

Ustekaberik gabe erretiroa

Zertan datza APA aurrezkia?

Aurreikuspen-plan aseguratua, APA aurrezkia, erretirora bideratutako aurrezki forma malgua da. Abantaila fiskal garrantzitsuak ditu, eta, gainera, interes-tasaren segurtasuna eskaintzen du.

Aseguru honen onurak

Segurtasuna

Merkatuen eboluzioa alde batera utzita zure aurrezkiak nola hazten diren ikusten gozatu.

Errentagarritasuna

Maximizatu zure aurrezkiak erretiroari errentagarritasun handia ateratzeko zenbatekoa ateratzerakoan.

Onura fiskalak

Ezarritako mugen barruan PFEZaren zerga-oinarriari dagokionez zure eta zure ezkontidearen ekarpen guztien zerga-kenkariari onura atera.

Aukeratu beharreko xedapena

Unea heltzen denean zure kapitala eduki nahi duzun era aukeratu: errenta edo kapitala.

Bezeroen arretarako telefonoa

Jar zaitez gurekin harremanetan behar duzunean, arreta jarraituko telefono-zenbakiaren bidez: 946 421 241

1 /6

Zenbaki honek produktuaren arriskua adierazten du, 1/6-k arrisku gutxien eta 6/6-k arrisku handiena dagoela adierazten dute.

Likideziaren inguruko alertak

Planen eta pentsio funtsen araudian ezarritako likidezia egoera edo salbuespenezko kasuetakoren bat gertatzen bada soilik kobratuko da prestazioa, edo erreskaterako eskubidea baliatu.

Aseguratutako aurreikuspen-planaren errentagarritasuna

APAren edo aseguratutako aurreikuspen-planaren errentagarritasuna merkatuan dauden interes-tasen arabera ezartzen da. Interes-tasa hau hiru hilabetez behin berrikusten da. Beste pentsio-planekin ez bezala, errentagarritasuna ez da inoiz negatiboa izango erreskatea egiterakoan.

Aurreikuspen-plan aseguratuaren fiskalitatea

Aurreikuspen-plan aseguratua PFEZa arintzea eskaintzen du egindako ekarpenen bidez. Horri esker, zerga-oinarria murrizten da eta onura fiskala lortu, zergadunaren tasa marjinalaren arabera.

Urtean arindu daitekeen gehienezko zenbatekoa kasu hauen gutxienekoa izango da: 1.500 € edo lanaren etekin garbien eta ekonomia-jardueren % 30. Zerga-arinketaren muga gainditzen bada, PFEZra mugi daiteke hurrengo bost urteetan.

Aurreikuspen-plan aseguratua erreskatatzerakoan, lortutako kapitala PFEZan ordainduko da, lan-etekin gisa, erreskatearen arrazoia gorabehera. Titularraren heriotza kasuan, onuradunek edo oinordekoek PFEZ gisa ordainduko dute, ez Oinordekotza eta Dohaintzen gaineko Zerga gisa.

Aseguratu Aurreikuspen planaren abantaila fiskalak

Legezko ekarpen maximoa

1.500 eurora arte.

Adinaren arabera murriztagarriak diren legezko maximoak

- Lurralde arruntan:

Bi kopuruen minimoa:

lanaren etekin garbien eta ekonomia-jardueren % 30.
1.500 euro.

- Nafarroan

Bi kopuruen minimoa:

lanaren etekin garbien eta jarduera ekonomikoan % 30 (% 50 50 urte baino gehiago dituztenei).
1.500 euro.

- Euskadin

Hurrengo ekarpenen eta laguntzen batura

1.500 euro ekarpen pertsonal gisa
8.500 euro enpresa ekarpen gisa betiere guztien arteko10.000 euroko muga errespetatuz ( ekarpen pertsonalen eta enpresa ekarpenen batura ezin da 10.000 euro baino handiagoa izan).

Ezkontideari ekarpenak

Zure ezkontideak zerga-oinarri orokorrean integratzeko errentak lortzen ez baditu edo 8.000 euro baino txikiagoak badira (Nafarroan, 8.500 euro), ezkontide horren alde egindako ekarpenak zerga-oinarri orokorrean 1.000 euroko gehiengo batera murriztu daitezke.

Elbarritasuna duten pertsonen aldeko ekarpenak

Elbarritasuna duen pertsona baten alde egindako urteko ekarpen maximoa, bere ekarpen propioak barneratuz ezin izango dute 24,250 euroko kopurua gainditu. Senidetasun harremanagatik elbarritasuna duten pertsonen alde parte-hartzaile bakoitzak egindako urteko ekarpen maximoak ezin du 10.000 euroko kopurua gainditu.

Urtealdiaren zerga-oinarritik kendu ezin izan diren ekarpenak, hurrengo bost urtealdien barruan konpentsatu daitezke, betiere urtealdi horien ekarpen arruntekin batera, urteko gehiengoa gainditzen ez dutenean.

Prestazioen fiskalitatea

Pentsio plan baten edozein prestaziok, pertzepzioaren arrazoia edo hau nork jasotzen duen kontuan hartu gabe, PFEZaren menpe dagoen lan errendimenditzat hartzen da. Beraz, erretiroagatiko, ezintasunagatiko, heriotzagatiko, menpekotasunagatiko, gaixotasun larri edo iraupen luzeko langabeziagatiko prestazioak tratamendu fiskal bera du. Prestazio osoa lan errendimendu bezala kalifikatzen da.

Orokorrean, aukeratutako kobrantza era kontuan artu gabe, pentsio-plan baten onuradunak PFEZean lan errendimendu bezala kontzeptu honengatik urtealdi bakoitzean jasotzen duen zenbatekoa adierazi behar duela esan daiteke.

Kapitala

2007/1/1* baino aurrerago egindako ekarpenengatik murriztapena

Dena den aurreko paragrafoetan komentatu denaren arabera, gaur egungo araudiak betiere ondorengoa betetzen denean, 2007/1/1 baino arinago egindako ekarpenei dagokien prestazioaren gainean % 40ko murriztapena aplikatzeko aukera jasotzen du:

Prestazioaren kobratzea kapital eran izatea.
Murriztapena kontingentzia gertatzen den ekitaldian aplikatzen da soilik, edo hurrengo bi ekitaldietan. 2011tik 2014ra bitarte gertatutako kontingentzien kasuan, murriztapena kontingentzia jazo eta hurrengo zortzi urteetan izango da aplikagarri; 2010eko ekitaldian edo aurrekoetan, aldiz, 2018ko abenduaren 31ra arte.
Kontratu bat baino gehiago izatekotan, dagokion murriztapena urtealdi berean kapital eran kobratutako prestazioei baino ez zaiela aplikatuko hartu behar da kontuan.

* Nafarroan, kobratzea kapital eran bada eta lehenengo ekarpenetik 2 urte baino gehiago igaro badira (baliaezintasuna izan ezik) lan etekinari ekarpen guztien %40ko murriztapena aplikatzen zaio, baliaezintasuna gertatzen bada izan ezik, kasu honetan %50 aplikatzen zaio. Murrizketa ez zaie aplikatuko aurreko urtebetean egin diren ekarpenei, prestazioa jasotzen den datatik aurrera hasita zenbatzen.

* Euskadin 300.000 euroko muga batekin ekarpen urtea kontuan hartu gabe % 40ko murriztapena da aplikagarria.

Errenta

Kobratzea errenta eran bada ez daude murriztapenik, beraz urtero jasotako prestazioaren %100 laneko errendimendu bezala integratzen da.
Ezinduek errenta forman lortutako prestazioetatik eratorritako lan errendimenduak libre geratzen dira, lanbide arteko soldata hirukoiztu arte.

Ohiko galderak

Espainian, nahikoa al da Gizarte Segurantzaren pentsioa?

Ez. Pentsio publikoak eskasak dira maila guztietan. Pentsio publikoaren eta lan-bizitza aktibon zehar gozatzen den soldataren artean ematen den urruntzea, nabarmena da gehienbat 24.000 euro baino gehiagoko soldaten kasuan. Beraz, maila erdi-altuetan dauden pentsionistek aktiboak zirenean mantentzen zuten erosahalmena ere galtzen dute.

Zer hartzen da iraupen luzeko langabezia bezala finkatutako eskubideen likidezia emateko?

Erregimen Orokorreko langile batentzat, parte-hartzailearen langabezi egoera legala hartzen da iraupen luzeko langabezia bezala, betiere eskaintza unean lan-eskatzaile bezala dagokion enpleguaren zerbitzu publikoan inskribatuta dagoenean eta bere kontribuzio-mailan langabeziagatiko prestazioa izateko eskubidea ez duenean, edo prestazio horiek ahitu dituenean.

Langile autonomoen kasuan, iraupen luzeko langabeziaren baldintzarekin betetzeko: aurretik Gizarte Segurantzaren erregimen batean egon behar dira integratuta eta euren jarduera eten behar izan dute, eskaintza unean lan-eskatzaile bezala dagokion enpleguaren zerbitzu publikoan inskribatuta egon behar dira eta ez du kontribuzio-mailan langabeziagatiko prestazioa izateko eskubidea izan behar, edo prestazio horiek ahitu behar izan ditu.

Aktibo ez dauden pertsonek ekarpenak egin ditzakete pentsio-plan batera?

Erretirorako ekarpenak egiten jarraitu daiteke pentsio-planaren erretiroagatiko prestazioaren kobratzera arte, Gizarte Segurantzaren ebazpena alde batera utzita. Kobrantzaren ondorengoak heriotza edo menpekotasunerako izango dira.
Heriotza edo menpekotasun kontingentzia estaltzeko egindako ekarpenak ere parte-hartzailearen PFEZ orokorraren zerga-oinarrian murriztapen objeto izan daitezke.

Euskadin muga bat ezartzen da, erretiroa hartzen den hurrengo urtera arte egindako ekarpenak murriztu daitezke.

Non jarrai daiteke pentsio-funts baten eboluzioa?

Seguros Bilbaok e-clienteren bidez zure pentsio-planen eboluzioa jartzen du parte-hartzaileen eskura.
Hilero, INVERCOk egunkari ekonomiko eta espezializatutako aldizkarietara Gizabanako Pentsio-planen garapena bidaltzen die.

Beste alde batetik, errazena pentsio-planen aldizkako txostena jasotzea da. Derrigorrezkoa da sei hileko izaera duten erakunde kudeatzaileentzat.

Erretiroa hartzerakoan prestazioa kapital eran kobratzea komeni da?

Erretiroa hartu eta gero hobe izaten da kapital eran kobratzea. Honela kobratzen den urtealdian aktibo fasean baino errenta txikiagoak edukitzen dira eta efektu fiskal positiboa ematen da.

Nola integratzen dira onuradunak jasotako prestazioak?

PFEZeko zerga-oinarrian jasotako prestazioen integrazioerako kapital eran materializatzen diren prestazioak zein errenta eran edo aldizkakotasun erregularrik gabe kobratzen direnen zenbatekoa, urtero onuradunaren zerga-oinarrian lan etekin osoa bezala integratuko dela hartu behar da kontuan.

Zein estimazio fiskal dute Plan bateko prestazioek?

Planaren ordainketak edo kobratze modalitatea eragiten duen kontingentziaren jasotzailea nor den kontuan hartu gabe, pentsio-plan batek ematen dituen prestazio guztiak lan-etekineko estimazioa dute.

Pentsio-plan baten prestazioa parte-hartzailea ez den pertsona batek jasoko balu, honen heriotza dela eta, aplikatu beharreko zerga PFEZ da, lan-etekin gisa, eta Oinordetza eta Dohaintzen gaineko Zerga ez dute ordainduko.

Erretiro partziala gertatzekotan, pentsio-planen prestazioak kobratu eta ekarpenak egin daitezke?

Erretiro partziala erretiroaren pentsio-publikoaren zati baten kobratzea denbora-partzialeko lan-jarduera baten urtealdiarekin bateragarri egiten denean ematen da. Erretiro partziala aurretik erretiro totala izan gabe eman daiteke edo, hau ondorengo lanaldi partzialeko lan batean hastean ere eman daiteke. Kasu bietan, erretiro-pentsioaren zenbatekoa kontratuan agertzen den ordaindutako denbora partzialeko lanaldiaren arabera murrizten da.

Kontuan izan behar da pentsio-plan batean erretiroari dagokionez onuradunaren eta parte-hartzailearen izaera ezin direla inola ere aldiberekoak izan. Beraz, parte-hartzailea pentsio-planetik errenta jasotzen egongo balitz edo pentsio-planetik erretiro partzialagatik kapital baten ordainketaren zain egongo balitz, ezin izango da hasi beste pentsio-plan batetara bere erretiro totalerako ekarpenekin berriro haiek guztiz jaso arte eta geroagoko erretiro totaletik finkatutako gainontzeko eskubideak egokitu arte.